Fransiya Respublikasining O‘zbekiston Respublikasidagi Favqulodda va Muxtor elchisi Aureliya Bushez hamda Fransiya elchixonasi ta’lim hamkorligi bo‘yicha mintaqaviy attashesi Serge Bellini O‘zbekiston davlat konservatoriyasiga rasmiy tashrif buyurdi

Fevral 18, 2025

YANGILIKLAR

1054

Fransiya Respublikasining O‘zbekiston Respublikasidagi Favqulodda va Muxtor elchisi Aureliya Bushez hamda Fransiya elchixonasi ta’lim hamkorligi bo‘yicha mintaqaviy attashesi Serge Bellini O‘zbekiston davlat konservatoriyasiga rasmiy tashrif buyurdi. Uchrashuvda O‘zbekiston va Fransiya mamlakatlari o‘rtasidagi musiqiy aloqalar, hususan, musiqiy ta’lim, san’at sohasidagi hamkorlik masalalari muhokama qilindi. Muzokara davomida Fransiya musiqiy ta’lim tizimi va uning boy tarixiy merosi, O‘zbekistonda klassik musiqa san’atining rivojlanishiga katta ta’siri, o‘zaro musiqiy tajriba almashinuvi, san’at sohasidagi qo‘shma loyihalar yaratish imkoniyatlari hususida ham so‘z bordi. Tomonlar o‘rtasidagi kelishuv klassik musiqa san’atni rivojlantirishiga va hamkorlikni yanada chuqurlashtirishga yordam beradi.
Shuni ta’kidlash mumkinki, musiqiy festivallar, qo‘shma master-klasslar va boshqa hamkorlik tadbirlari va musiqiy aloqalar mustahkamlanishi, mamlakatlar orasidagi san’at va madaniyatni bir-biriga yanada yaqinlashtirishga, musiqiy did va ijro etish mahoratini oshirishga xizmat qiladi.
Shundan so‘ng, Fransiya Respublikasining O‘zbekiston Respublikasidagi Favqulodda va Muxtor elchisi Aureliya Bushez hamda Fransiya elchixonasi ta’lim hamkorligi bo‘yicha mintaqaviy attashesi Serge Bellini O‘zbekiston davlat konservatoriyasi huzuridagi “Milliy cholg‘ular” ilmiy-ishlab chiqarish ekspremintal laboratoriyasi bilan yaqindan tanishtirildi.