Ilmiy tadqiqotga oid e’lonlar

AXBOROT XATI

 

O‘zbekiston Respublikasi Vazirlar Mahkamasining 2018 yil                    6 martdagi №178-F-sonli Farmoyishiga muvofiq 30 oktyabrda O‘zbekiston davlat konservatoriyasida “XXI asr musiqa san’ati: muammo va yechimlar” mavzusida professor-o‘qituvchilarning Xalqaro ilmiy-amaliy konferentsiyasi o‘tkaziladi.

Mazkur konferentsiyani o‘tkazishdan asosiy ko‘zlangan maqsad XXI asr musiqa olamidagi dolzarb muammolarni aniqlash, tahlil etish hamda xulosalar chiqarishdan iborat.

Yosh olim, ilmiy izlanuvchi va magistrantlarning intellektual va ijodiy qobiliyatlarini rivojlantirish, ularning ilm-fan sohasidagi yutuqlarini namoyon etish, ilmiy tadqiqot faoliyatini olib borish jarayonilari bo‘yicha o‘zaro axborot va tajriba almashishni yo‘lga qo‘yish, ularda ilmiy asoslangan takliflarni ishlab chiqish ko‘nikmalarni hosil qilish asosiy maqsadlaridan biri hisoblanadi.

Konferentsiya mavzusidan kelib chiqqan holda ma’ruzalar quyidagi mazmunda qabul qilinadi va sho‘‘balarga ajratiladi:

 

  1. XXI asr kompozitorlik ijodiyoti muammo va yechimlari;
  2. Ijrochilik masalalari: tarix, nazariya va amaliyot;
  3. Musiqiy pedagogikada innovatsion metodlar va texnologiyalar;
  4. Folklor va an’anaviy musiqa masalalari;
  5. Musiqashunoslikning tarixiy-nazariy masalalari.

Ma’ruzani rasmiylashtirish talablari:

– Taqdim etilayotgan maqolalar 4-5 betgacha o‘zbek, rus va ingliz tillarida taqdim etilishi mumkin (3 tilda annotatsiya);

– Ma’ruza matnlari MS Word-2007 dasturida, 14 shift, 1.5 intervalda puxta taxrir qilingan, muammo va uning yechimlari uchun taklif va hulosalariga ega holda tashkiliy bo‘limga topshiriladi;

– Matn standart bichimidagi A4 formatda, yuqori va pastdan 2.5 sm, o‘ng tomondan 1.5 sm chap tomondan 3 sm rasmiylashtiriladi;

– Mavzuning nomi katta harflar bilan qoraytirilib, qog‘ozning o‘rtasiga joylashtirilib, ma’ruzachini ismi-sharifi, yo‘nalishi, ilmiy rahbarning ismi-sharifi, darajasi, unvoni, OTM nomi o‘ng tomonga (Ctrl+R bilan) keltiriladi. Abzats 1.25 smda ma’ruza matni qog‘ozga to‘liq (Ctrl+J bilan) joylashtiriladi. Tadqiqotchi va ilmiy rahbarning telefon raqami va elektron pochtasi matn oxirida keltiriladi;

– Rasmlar bo‘lsa matndan tashqari alohida faylda beriladi, varaq hisobiga sanaladi.

 

Eslatma:

Eng yaxshi ma’ruzalar to‘plam shaklida chop etiladi. Yuqoridagi talablarga rioya qilinmagan, tahrir qilinmagan maqolalar nashr qilinmaydi.

Maqoladagi manbalarga havolalar maqola ichida bo‘lishi talab etiladi, masalan. [1, 45] ko‘rinishda bo‘ladi va maqola so‘ngida barcha havolalar foydalanilgan adabiyotlar ketma-ketligida aniq ko‘rsatilishi kerak.

Konferentsiyaga taqdim etilgan maqolalar “Nashr ishlari” bo‘limi tomonidan tahrir qilinib, nashrga tavsiya etilgach, har bir sahifa uchun 15.000 so‘m to‘lanadi va materiallar alohida kitob shaklida nashr qilinadi. Maqolalar (elektron va qog‘oz shaklida) topshirilishining oxirgi muddati – 2018 yil 10 oktyabrgacha.

 

Murojaat uchun manzil:

Toshkent shahar, Shayxontoxur tumani, Olmazor ko‘chasi, 1.            O‘zbekiston davlat konservatoriyasi. Ilmiy-pedagogik kadrlar tayyorlash bo‘limi. Teatr bloki 3-qavat 393-xona. Tel.: (71) 244-94-50.                                 E-mail: music_art_XXI@mail.ru