ESTRADA CHOLG‘U IJROCHILIGI KAFEDRASI

NAZAROV XUSHNUD IRKINOVICH
Ilmiy darajasi va unvoni: Dotsent b.b
Lavozimi: Kafedra mudiri
Qabul vaqtlari: Seshanba – juma soat 14.00 dan 16.00 gacha
Tel.: +99897 744-08-70
E-mail: Kh.nazaroff@mail.ru

Bo‘limning vazifalari

Respublikamizga estrada san’atining kirib kelishi va rivojlanishi o‘tgan asrning 50- yillarining ikkinchi yarmiga to‘g‘ri keladi. Shu yillar birinchi bor estrada orkestri tashkil qilinib unga yosh kopozitorlar Albert Malaxov, Enmark Solixov va estradaning fidoyilari Yevgeniy Jivaev, Botir Zokirov, Luiza Zokirova va yana bir qator yoshlar jalb qilindi. Vaqt o‘tishi bilan respublikamizda estrada san’ati o‘z o‘rniga ega bo‘lib jadal rivojlana boshladi. Turli estrada guruhlari, ansambllar tashkil qilindi, festivallar, tanlovlar o‘tkazildi. Shu rivojlanishning mantiqiy yakuni sifatida 1996 yili “Milliy estrada san’atining rivojlanishi” to‘g‘risida Respublika prezidenti I.A. Karimov imzosi bilan davlat qarori qabul qilindi. Mazkur qarorga asosan respublikamizdagi barcha maxsus o‘quv muassasalaridi estrada san’ati bo‘limlari tashkil qilindi. Shular qatorida O‘zbekiston Davlat Konservatoriyasida ham estrada fakulteti ochilishi yo‘lga qo‘yildi. Dastlab fakultet “Estrada ijrochiligi” kafedrasi sifatida tashkil qilinib, uning tarkibini estrada xonandaligi va estrada cholg‘u ijrochiligi yo‘nalishlari tashkil qildi. Bu mushkul ishning boshida O‘zbekiston respublikasi san’at arbrbi, taniqli kompozitor Enmark Solixov turgan edi.

Keyinchalik kafedraga kompozitor Nadim Norxo‘jaev rahbarlik qila boshladi. Asta sekin kafedra tarkibiga estradaning respublikada ko‘zga ko‘ringan namoyondalari, katta tajribaga ega bo‘lgan professor-o‘qituvchilar jalb qilindi. Ularning ichida O‘zbekiston xalq aristi Mansur Toshmatov, O‘zbekistonda xizmat ko‘rsatgan artist Yunus To‘raev, O‘zbekiston respublikasi san’at arbobi Nadim Norxo‘jaev, O‘zbekiston respublikasi san’at arbobi Dilorom Omonullaeva, professor Bahodir Murtazaevlarni tilga olsa arziydi.

Keyinchalik davr talabi bilan kafedra ikkita alohida kafedraga ajratilib “Estrada xonandaligi” va “Estrala cholg‘u ijrosiligi” deb nomlana boshladi. Yangi ochilgan “Musiqiy ovoz rejissyorligi” kafedrasi bilan birgalikda «Estrada san’ati» nomi bilan to‘la qonli fakultet tashkil qilindi. Unga kafedra ochilishidan ish boshlagan, yosh mutaxassis, hozirgi kunda dotsent v.b. kompozitor X.I. Nazarov rahbar etib tayinlandi.

O‘tgan davr ichida estrada cholg‘u ixtisosligi bo‘yicha kafedra saksofon, trombon, truba, gitara, fortepiano cholg‘ularidan talaygina mutaxassislar yetishtirdi. Hozirgi kunda ular respublikamizning viloyat va shaharlaridagi o‘quv muassasalarida konservatoriyada olgan bilimlaridan saboq berishayapti, orkestr va boshqa jamoalarda ishlab, tinglovchilarga o‘z mahoratlarini  namoyon qilmoqdalar. Kafedra qoshida tashkil etilgan talabalar “Big-bend” orkestri professor Bahodir Murtazaev, katta o‘qituvchi Greg Isroilov, keyinchalik esa katta o‘qituvchi Arsen Nazaryan rahbarligida o‘zining konsert dasturlari bilan konservatoriya va boshqa o‘quv yurtlari tadbirlarida, kafedra bitiruvchilarining Davlat attestatsiyasi dasturlarini ijro qilishda faol qatnashib, qolaversa, homiylik konsertlari bilan Toshkent shahri va viloyatida katta obro‘ga ega bo‘lgan. Hozirgi kunda orkestrga iqtidorli sozanda, konservatoriyada tahsil olgan katta o‘qituvchi Arsen Nazaryan rahbarlik qilib kelmoqda.

2017-2018 o‘quv yilida  kafedrada ishlab talabalarga saboq berayotgan tajribali o‘qituvchilar bilan bir qatorda shu bo‘limni bitirgan katta o‘qituvchilar Greg Isroilov, Adelya Bagamanova, Valentin Korotkov, O‘tkir Abdullaev, Sergey Yankinlar ham faol mehnat qilishmoqda. Kafedraning mavqei oshishiga o‘zining hissasini qo‘shayotgan dotsent Viktor Medyulyanov, dotsent Lola G‘anieva, katta o‘qituvchi Xushnud Nazarov, o‘qituvchilar Rano Atabekova, Zuhra Sodiqovalarning nomlarini eslab o‘tish zarur.  Shuningdek, jo‘rnavozlar Sergey Gulbin va Olga Asminkinalar ham kafedraning fidoyi a’zolaridir.

O‘tgan yillar davomida kafedramiz talabaridan bir qanchasi Xalqaro va Respublika tanlovlarida qatnashib yuqori o‘rinlarni egallab kelishgan. Atabekov Arsen, Baratova Yulduz, Atabekov Javad, Ishaliev Jaxongir, Angdrey Galayan, Kupryuxina Kira, Ismoilov Bobur, Mirzaev Saidafzal, Jamaldinov Sardor, Bosilov Dostonlar shular jumlasiga kiradi.

Bo‘limning tuzilmasi:

  • Djaz fortepiano
  • Gitara (elektrogitara)
  • Bas gitara (djaz kontrobas)
  • O‘rma-zarbli cholg‘ular
  • Saksafon (djaz klarnet)
  • Djaz trombon
  • Djaz truba

Bo‘limning xodimlari:

  1. Narxo‘jaev Nadim Qodirovich – Professor
  2. Ganieva Lola Muxsimovna – dotsent, San’atshunoslik fanlari nomzodi
  3. Israilov Greg Ruslanovich – Katta o‘qituvchi
  4. Saparov Valeriy Ibragimovich – Katta o‘qituvchi
  5. Yankin Sergey Aleksandrovich – Katta o‘qituvchi
  6. Abdullaev Utkir Sa’dullaevich – Katta o‘qituvchi
  7. Bagamanova Adilya Talxaevna – Katta o‘qituvchi
  8. Korotkov Valentin Viktorovich – Katta o‘qituvchi
  9. Sadikova Zuxra Sotvoldievna – O‘qituvchi
  10. Nazaryan Arsen Ashotovich – Katta  O‘qituvchi
  11. Kurbanov Dilshod Usmonovich – Katta O‘qituvchi
  12. Ilyasova Dono Donievna – O‘qituvchi
  13. Gulbin Sergey Viktorovich  Jo‘rnavoz
  14. Asminkina Olga Pavlovna – Yetakchi jo‘rnavoz